خرج قرار البارح فالموضوع لي كيهمك كمواطن و خصك تقرا هادشي و تكمل المقال تلخر .
لاكنتي شاب مغربي متزوج و سولتك مرتك كيفاش ولدت غتقولي بعملية قصيرية ، ولا كنتي غير متزوج غتقولي اغلب بنات العائلة ولا اي بنت متزوجة كنعرفها ولدت ولادة قيصرية في الكلينيك ...
هاد الظاهرة ديال الولادة القيصرية "cisariene" ولات شائعة و بنسبة كبيرة فهاد الوقت ، قليل المرأة لي ولات تولد طبيعية.
والغريب ان المدام ديالك كتبع مع الطبيب فمرحلة الحمل و كل أقواله كتأكد بلي غتولد طبيعية ، حتى كيشدها الوجع و كتهزها للمصحة و كيقولك لا راه خصها عملية قيصرية ، نتا ماكتفهم والو وكتقولو ياك كنتي تقول غتولد طبيعية ، كيقولك وليه لكن حقا ما حقا و كيدوخك بالهضرة ، و كتردد و مرتك كتموت بالوجع قدامك و كيقولك اشنو دابا تدخل تولد بقيصرية ولا تديها لشي بلاصة اخرى ولدها كيف بغيتي، كتسسلم للامر و كتقول صافي دخلوها لغرفة العمليات غا عتقولي المدام و ولدي .
هادشي ماشي عادي ، المصحات الخاصة تنهج هاد السياسة عمدا باش تربح الفلوس على حساب حياة و صحة المواطن الغلبان لان ثمن العملية القيصرية هو 8000 درهم ، و ثمن الولادة الطبيعية على ما اظن 3000درهم .
ادن لا ولدت عندو المرا ب3000درهم ماعندو ربح ، اللهم ماكين غا شرگ كروش المغربيات باش يتخلص ب 8000 درهم من التأمين.
راه وخا يشوف بان الحالة ممكن تولد طبيعية، كيلتجأ للحيلة و غياب الضمير المهني و يدوزها قيصرية و كيقنعك ان الحالة خطيرة و نتا مسكين ماغتعرفش بحال الطبيب كتسلم امرك لله و تقبل بالوضع .
نعم هادو جزارة في لحوم البشر و يتاجرون في اجساد المواطنين، مايخافو لا من الله ولا من العبد عادي لانهم يعبدون المال لا سواه .
في 2017 نسبة الولادة القيصرية وصلت ل%61 بالمغرب ، علما ان في 2007 كانت غير %35 و في 2009 طلعت ل %43 ، يعني مباشرة من بعد ما تزادت التعريفة على الولاد القيصرية من 6000 درهم إلى 8000 درهم ، غا تزاد الثمن ولاو غا يشرگو فبنادم .
في 2022 تقدر توصل ل 99%...
اغلب الحالات كتسجل في القطاع الخاص اي الكلينيكات لي بلغ المعدل عندهم إلى 75% ، في حين في المستشفيات العمومية يلاه 25% من الحالات قيصرية الباقي ولادة طبيعية .
شيء عادي المسشتفيات العمومية تكون فيها نسبة قليلة لي قيصرية حيت ماكيتخلصوش منك هداك سبيطار الدولة بحال ولدتي طبيعية بحال قيصرية ، بلعكس لا ولدتي طبيعية سهلتي عليهم الخدمة ، اما القيصرية فيها تمارة و مغامرة ، حتى كيتأكدو بلي مابقاش أمل فالطبيعية و مستحيل...عاد يولدوها بعملية، عكس المصحات ماكين غير دوزي للقيصرية وخا يكون فيك امل 99,99% تولدي طبيعية ، الهدف يتخلصو 8000 درهم عوض 3000درهم .
القرار لي كيهمك، هو البارح خرج أن ابتداءا من 1 فالشهر جاي التأمين عن الصحة ماغتبقاش تخلص عليك للمصحات ثمن الولادة القيصرية إلا بتقرير طبي يوضح سبب التوجه إلى العملية ، لان المسؤولين لاحظو ارتفاع مهول فهاد النوع من الولادات بسب تلاعب المصحات الخصوصية.
الاطباء ماعجبهمش الحال و نددو بهاد القرار وقالو ان هادشي من اختصاص الطبيب هو لي من حقو يحدد اينا نوع الولادة، و ان هدا تدخل في شؤونهم و ان تعاضضية التأمين غير مأهلة تتدخل فهادشي.
ردت عليهم التأمين بلي راكم ثقبتو لينا الميزانية بهاد العميات الممنهجة ، كثر من 17 لمليار في العام كتصرف غا تعويض ليكم على العمليات لي كديرو للمنخرطين ديالنا، و هادشي ماشي عادي كاين خلل و هو انكم غا كتشرگو في بنادم بدون وجه حق لهدف ربحي .
و ابتداءا من فاتح ماي دير تقرير طبي فيه اسباب مقنعة و منطقية علاش هاد البنت الحامل غتولدوها قيصرية، عاد نخلصوكم ولا ماكنش التقرير او غير مقنع غنخلصوكم عليها بثمن ولادة طبيعية .
بلا مانهضر على مخاطر و مضاعفات العملية القصرية و الفرق بينها و بين العادية راك عارف كلشي.
لاكنتي شاب مغربي متزوج و سولتك مرتك كيفاش ولدت غتقولي بعملية قصيرية ، ولا كنتي غير متزوج غتقولي اغلب بنات العائلة ولا اي بنت متزوجة كنعرفها ولدت ولادة قيصرية في الكلينيك ...
هاد الظاهرة ديال الولادة القيصرية "cisariene" ولات شائعة و بنسبة كبيرة فهاد الوقت ، قليل المرأة لي ولات تولد طبيعية.
والغريب ان المدام ديالك كتبع مع الطبيب فمرحلة الحمل و كل أقواله كتأكد بلي غتولد طبيعية ، حتى كيشدها الوجع و كتهزها للمصحة و كيقولك لا راه خصها عملية قيصرية ، نتا ماكتفهم والو وكتقولو ياك كنتي تقول غتولد طبيعية ، كيقولك وليه لكن حقا ما حقا و كيدوخك بالهضرة ، و كتردد و مرتك كتموت بالوجع قدامك و كيقولك اشنو دابا تدخل تولد بقيصرية ولا تديها لشي بلاصة اخرى ولدها كيف بغيتي، كتسسلم للامر و كتقول صافي دخلوها لغرفة العمليات غا عتقولي المدام و ولدي .
هادشي ماشي عادي ، المصحات الخاصة تنهج هاد السياسة عمدا باش تربح الفلوس على حساب حياة و صحة المواطن الغلبان لان ثمن العملية القيصرية هو 8000 درهم ، و ثمن الولادة الطبيعية على ما اظن 3000درهم .
ادن لا ولدت عندو المرا ب3000درهم ماعندو ربح ، اللهم ماكين غا شرگ كروش المغربيات باش يتخلص ب 8000 درهم من التأمين.
راه وخا يشوف بان الحالة ممكن تولد طبيعية، كيلتجأ للحيلة و غياب الضمير المهني و يدوزها قيصرية و كيقنعك ان الحالة خطيرة و نتا مسكين ماغتعرفش بحال الطبيب كتسلم امرك لله و تقبل بالوضع .
نعم هادو جزارة في لحوم البشر و يتاجرون في اجساد المواطنين، مايخافو لا من الله ولا من العبد عادي لانهم يعبدون المال لا سواه .
في 2017 نسبة الولادة القيصرية وصلت ل%61 بالمغرب ، علما ان في 2007 كانت غير %35 و في 2009 طلعت ل %43 ، يعني مباشرة من بعد ما تزادت التعريفة على الولاد القيصرية من 6000 درهم إلى 8000 درهم ، غا تزاد الثمن ولاو غا يشرگو فبنادم .
في 2022 تقدر توصل ل 99%...
اغلب الحالات كتسجل في القطاع الخاص اي الكلينيكات لي بلغ المعدل عندهم إلى 75% ، في حين في المستشفيات العمومية يلاه 25% من الحالات قيصرية الباقي ولادة طبيعية .
شيء عادي المسشتفيات العمومية تكون فيها نسبة قليلة لي قيصرية حيت ماكيتخلصوش منك هداك سبيطار الدولة بحال ولدتي طبيعية بحال قيصرية ، بلعكس لا ولدتي طبيعية سهلتي عليهم الخدمة ، اما القيصرية فيها تمارة و مغامرة ، حتى كيتأكدو بلي مابقاش أمل فالطبيعية و مستحيل...عاد يولدوها بعملية، عكس المصحات ماكين غير دوزي للقيصرية وخا يكون فيك امل 99,99% تولدي طبيعية ، الهدف يتخلصو 8000 درهم عوض 3000درهم .
القرار لي كيهمك، هو البارح خرج أن ابتداءا من 1 فالشهر جاي التأمين عن الصحة ماغتبقاش تخلص عليك للمصحات ثمن الولادة القيصرية إلا بتقرير طبي يوضح سبب التوجه إلى العملية ، لان المسؤولين لاحظو ارتفاع مهول فهاد النوع من الولادات بسب تلاعب المصحات الخصوصية.
الاطباء ماعجبهمش الحال و نددو بهاد القرار وقالو ان هادشي من اختصاص الطبيب هو لي من حقو يحدد اينا نوع الولادة، و ان هدا تدخل في شؤونهم و ان تعاضضية التأمين غير مأهلة تتدخل فهادشي.
ردت عليهم التأمين بلي راكم ثقبتو لينا الميزانية بهاد العميات الممنهجة ، كثر من 17 لمليار في العام كتصرف غا تعويض ليكم على العمليات لي كديرو للمنخرطين ديالنا، و هادشي ماشي عادي كاين خلل و هو انكم غا كتشرگو في بنادم بدون وجه حق لهدف ربحي .
و ابتداءا من فاتح ماي دير تقرير طبي فيه اسباب مقنعة و منطقية علاش هاد البنت الحامل غتولدوها قيصرية، عاد نخلصوكم ولا ماكنش التقرير او غير مقنع غنخلصوكم عليها بثمن ولادة طبيعية .
بلا مانهضر على مخاطر و مضاعفات العملية القصرية و الفرق بينها و بين العادية راك عارف كلشي.
تعليقات
إرسال تعليق